Sabz shajar sey torre k rishta ab pachtatey hain
Pattey paooN k neechey aa ker shore machatey hain
Jitney rastey hain anjaney deis ko jatey hain
Janey walo! peechey peechey hum bhi aatey hain
Kuch merey terey dukh haiN,kuch dukh hain
hum sub kOley pathar barsa k aansu bun jatey hain
Apni apni majboori hai jo jiska hojaey
Such poocho to jhootey sarey rishtey naatey hai
Laakh jatan per bhi nahiN hotey soey ghar aabad
Basney waley chupkey sey dil meiN bus jatey hain
Humney khangaley saat samaundar,chaaney saat aflak.
Phir bhi aik jazeerey k qaidii kehlatey hain
Ye do chaar gharri ka milna yaar ghanimat hai
Tum bhi haal sunao,hum bhi sheir sunatey hain
Subscribe to:
Post Comments (Atom)
No comments:
Post a Comment